好天氣

天氣好～心情都會好ｄ～

有件事唔記低唔得～我今日買左支旗．．．平時都好少買～
仲有我上星期搭地鐵，企係車門隔離，有個坐輪椅ｇｅ大叔上唔到車，車門又就關．．．
我就行埋去拉左佢上車，佢唔該我，我又點點頭～

（我唔係想讚自己．．．只係記低佢．．．嘿嘿）

最後梗係要ｕｐｌｏａｄ　ｄ好味野ｇｅ相ｌａ

又發下神經

大家唔好以為我想咁多野好開心．．．
係我唔開心先係咁食．．．嗚嗚

依個世界，好多野真係冇計ｇａ
好似當年ｆ．５如果升唔到班，屋企唔會有錢供我去外國讀或者讀私校，但係有ｄ成績麻麻，又粗口又煙品格又唔好ｇｅ垃圾（唔好介意我咁講，我真係發自內心咁覺得佢地係），可以屋企開金礦ｇｅ，就有得去外國讀，仲有得溝下鬼妹呀日本妹咁．．．

家陣真係唔上唔落，新移民讀得好，個個就當佢地神咁拜（不過我都認同佢地係叻ｇｅ），又會有果ｄ乜乜獎學金，又有得免費去乜乜地方遊學咁，有錢人讀得好，前途就更加光明．．．
我地ｅｄ夾心階層（依個ｔｅｒｍ好似鉤鉤地），乜都冇，要食自己．．．

唉．．．冇計ｌａ，依個社會就係咁．．．不過都好過係大陸，俾你ｉｑ　２００都未必有得發圍．．．可能仲每日行幾公里返學放學（即係由太子行到去尖咀再去黃埔咁，仲要係山路喎，不過空氣實好ｄ）．．．

算，年關難過年年過，都要頂硬上，都頂左十幾年（？），頂ｌａ頂ｌａ係咁頂～