觸電

今日出街，搭地鐵
原本都好眼訓．．．我記得我用左手捉住扶手～

有個女仔（靚女），同我捉住同一支扶手．．．
掂到．．．
我仲諗住佢會縮（我都想縮），但係冇，可能大家都知多人，好迫，係唔覺意掂到ｊｅ

又過左幾個站，人又少左，我開始望下個女仔，佢又望下我
幾靚女，幾純情果種，唔姣，唔肥，唔樣衰，唔寸．．．
兩隻手仲係好近．．．

傻左呀我，我開始諗自己隻手會唔會再掂到佢隻手，點知．．．
我見到佢隻手．．．越黎越埋．．．掂左我一下．．．（我諗係手腕果度位）
跟住第二下．．．

直情係觸電咁．．．我開始驚ｌａ，覺得應該縮，但係．．．又唔捨得縮．．．
佢早我一個站落車，我仲記得佢隻手好依依不捨咁離開支扶手．．．

唉．．．真係冇用，連電話都冇問人攞．．．
可能．．．真正ｇｅ觸電就係咁～

（以上故事純屬虛構，如有雷同，實屬巧合）　＾＾”